Agron Shehaj, kandidati për kreun e PD, pohoi në emisionin Opinion, se Lulzim Basha do të vazhdojë të jetë Kryetar i PD, por shtoi se 15 % i votave nuk reflekton mbështjen që deputeti ka në bazën e partisë. Sipas tij, rezultati zgjedhor është ai që është shpallur, shifrat janë ato, dhe Basha është kryetar i PD.
Shehaj tha se absolutisht se do të jetë pjesë e PD, duke theksuar se “ne jemi bashkë dhe do të jemi bashkë”.
Referuar procesit zgjedhor, Shehaj tha se të gjithë kryetarët e degëve dhe deputetët, nuk i ka pasur në krah në fushatën për kreun e PD.
“Rezultati ishte ishte i qartë. 15 % nuk prezanton mbështetjen që unë kam në anëtarësinë e Partisë Demokratike. Ka pasur parregullësi, duke fillluar që nga heqja emrave nga listat e votuesve si dhe nga moslejimi i vëzhguesve të mi në disa nga qendrat e votimit.
Me Bashën nuk jemi ndarë ndonjëherë, unë vazhdoj të jem pjesë e Partisë Demokratike edhe pas kandidimit.
Të them të vërtetën, pothuajse të gjithë deputetët, të gjithë kryetarët e degëve nuk kanë qenë me mua. Nuk gjykoj askënd për këtë, secili vendos vetë sipas asaj që mendon”, tha Shehaj.
