Forcat speciale RENEA po mbështesin policinë lokale në të paktën 4 qytete, në kuadrin e një operacioni të nisur në orët e pasdites, ku po kontrollohen ambiente apo lokale, dhe janë shoqëruar disa persona të njohur për zonat ku jetojnë.
Vlora, Durrësi, Elbasani dhe Fieri, janë qytetet ku forcat speciale, po veprojnë bashkë me policitë vendore.
Objektiv i kontrolleve kanë qenë lokalet ku qëndrojnë personat “problematikë” dhe të dyshuar për lidhje me krimin.
Nga raportimet mësohet se janë arrestuar dy persona dhe dhjetëra të tjerë janë shoqëruar.
