Një automjet është përfshirë nga flakët këtë të Hënë në aksin Himarë-Sarandë.
Policia njoftoi se rreth orës 13:15, një mjet i markës “Nissan” me drejtuese shtetasen A.D. në lëvizje, ka marr flakë, ku si pasojë ka vetëm dëme materiale.
Nga hetimet paraprake rezulton se mjeti ka marrë flakë si pasojë e një shkëndije elektrike.
Vijon puna me grupin hetimor për sqarimin e plotë e rrethanave të ngjarjes, shtuan të njëjtat burime.
