Një person rezulton të jetë plagosur me armë zjarri pak pas mesnate, ngjarje e ndodhur në një prej lokaleve në rrugën Xhanfize Keko në Tiranë.
Nga raportimet mësohet se ngjarja ka ndodhur brenda lokalit pranë “ish-Artistikes”, ku janë dëgjuar disa të shtëna me armë.
Nga burime jozyrtare mësohet se si rezultat i të shtënave ka mbetur i plagosur 1 person, i cili është transportuar në spital nga personat që ndodheshin me të në lokal.
Policia ka shkuar në vendin e ngjarjes, ndërkohë që nuk dihen detaje lidhur me të.
Nuk dihet nëse ka pasur një shkëmbim zjarri apo të shtënat kanë ndodhur nga një armë e vetme.
