Sot rreth orës 17:30, Partia Socialiste do të mbledhë Kongresin e jashtëzakonshëm.
Sikurse është njoftuar më herët, Kongresi që përkon me 30 vjetorin e formimit të partisë, nuk do të jetë një Kongres zgjedhor dhe kësisoj nuk ndryshon as asamblenë dhe as kryesinë e Partisë.
Kongresi do të jetë kryesisht festiv, ndonëse do të bëhet edhe një analizë e zgjedhjeve të 25 prillit.
Një ditë më parë, sekretari i Përgjithshëm i PS-së Taulant Balla, ka treguar edhe disa detaje nga organizimi, duke thënë se kryeministri Edi Rama do të paraqesë vizionin për Shqipërinë 2030 dhe angazhimet kryesore të programit qeverisës.
