Damian Gjiknuri deri më tani mbahej mend si njeriu që shkaktonte tërmete zgjedhore. Audio ku dëgjohej të thoshte “tërmet tërmet” për zgjedhjet e pjesshme vendore të Dibrës bëri xhiron në rrjetet sociale apo media.
Por video e mëposhtme duket se do të na ndryshojë mendimin për Damianin.
Ai ka marrë seriozisht stërvitjen, jo me vrap nga liqeni, sikundër mund të jemi mësuar të shohim shumë qytetarë. Gjiknuri po stërvitet si boksier, madje me një seriozitet shumë të madh. Godet pa pushim një dardhë boksi, mundohet të kapë ritmin dhe godet me mllef ose inat.
Për çfarë po përgatitet Damiani për të qenë kaq luftarak?
Parashikon ndonjë ndeshje “boksi” që mund të ndodhë në sallën e Kuvendit, apo po përgatitet të ndeshet me Kryebashkiakun e Vlorës, i shpallur armik nga Kryeministri?
Ndoshta asnjëra prej tyre. Në një kohë kur flitet shumë për emra që mund të jenë pjesë e “listës së zezë”, njerëzve i duhet të stërviten, të mbajnë trupin në formë,ndoshta të përgatiten edhe për më të keqen.
E keqja nuk i urohet askujt, aq më tepër atyre që për vite e vite konsiderohen si “baballarë” të kombit, por mënyra se si Damiani po stërvitet tregon se ai parandjen diçka. Ai që parashikon tërmetet, që ka miqësi edhe me një Guru, diçka duhet të dijë.
Të presim dhe të shohim, por ajo që dimë deri tani është fakti se Gjiknuri po përgatitet për të qenë i fortë fizikisht.
