Zgjedhja e Shqipërisë për herë të parë në Këshillin e Sigurimit të OKB ka sjellë edhe reagime të shumta. Kryeministri Edi Rama, ambasadorja e SHBA-se Yuri Kim dhe ai i OSBE Luigi Soreca përshëndesin vendimin dhe e konsiderojnë atë një lajm të mirë.
“LAJM I MIRË. Me 175 vota nga 117 të nevojshme, Shqipëria sapo u zgjodh anëtare e Këshillit të Sigurimit të OKB për vitet 2022-2023” tha Rama.
Për vendimin e marr reagoi edhe ambasadorja e SHBA-së Yuri Kim. Në një postim në Twiter, Kim shkruan se SHBA mirëpret Shqipërinë të punojnë së bashku në rajon dhe në mbarë botën.
“Historia u shkruajt: urime 🇦🇱 për zgjedhjen për herë të parë në histori në Këshillin e Sigurisë së OKB. 🇺🇸 mirëpresin të punojnë me 🇦🇱 edhe më ngushtë në rajon & mbarë botën. Urime!” @USAmbAlbania Yuri Kim https://t.co/pFPUtaHYdd
— USEmbassyTirana (@USEmbassyTirana) June 11, 2021
Në lidhje me këtë lajm, ka reaguar ambasadori i BE-së në Tiranë, Luigi Soreca.
Në reagimin e tij në rrjetet sociale, Soreca shprehet se kjo është një ditë historike për Shqipërinë dhe popullin e saj.
Postimi i ambasadorit të BE-së në Tiranë, Luigi Soreca:
Ditë historike për Shqipërinë dhe popullin shqiptar. Urime për zgjedhjen si anëtare e KS të OKB-së, për vitet 2022-2023.
Presim që të punojmë edhe më shumë së bashku, me adresimin e çështjeve rajonale e globale.
