Basha: Të Dielën, do tregojmë se nuk dorëzohemi përballë pakicës së plaçkitësve në pushtet

Lulzim Basha zhvilloi takime me demokratë në Peqin dhe Paskuqan në kuadër të fushatës për zgjedhjet për kryetar në Partinë Demokratike.

Basha theksoi se në 25 prill ra demokracia.

“Në 25 prill shumica ka vendosur ndryshimin dhe një pakicë i është mbivendosur me mekanizmin më pervers, më gjigand, dhe më të kudoshtrirë, të shkrirjes se  partisë me shtetin, siç e thotë raporti i OSBE-ODHIR, dhe të bashkëpunimit me kartelat e drogës dhe bandave të krimit të organizuar. Kjo nuk është demokraci”, u shpreh ai.

Basha tha se të dielën – dita e zgjedhjeve në PD – “do tregojmë se ne nuk dorëzohemi përballë pakicës së plaçkitësve në pushtet”.

Të bashkuar me shumicën e shqiptarëve do luftojmë për t’ua kthyer vendin njerëzve, u shpreh ai.

Basha tha se nga kjo garë “të dalim më të fortë dhe më të bashkuar për të vazhduar betejën”.

“Të mos harrojmë se qëllimi ynë final është të largojmë kundërshtarin të vetëm që kemi, regjimin Rama-Doshi”, u shpreh ai.