Drejtuesi i automjetit tip “Benz” që pasditen e djeshme përplasi një vajzë këmbësore duke e plagosur rëndë është arrestuar, bëri me dije këtë të Premte Policia.
“Në pranga është vënë Jehon Breçani, 19 vjeç, pasi ditën e djeshme, në rrugën ‘Xhanfize Keko’, ka aksidentuar këmbësoren Xhesina Gega, 23 vjeçe, e cila ndodhet në spital, nën kujdesin e mjekëve”, njoftoi policia, pa konfirmuar akuzën ndaj adoleshentit.
Aksidenti ndodhi rreth orës 19:15, kur makina, nën drejtimin e 19-vjeçarit Jehon Breçani, dyshohet se për shkak të shpejtësisë doli nga rruga dhe përplasi një vajzë 23-vjeçare dhe më pas u përplas me një pemë buzë rrugës.
