Tirana bën lëvizjen e papritur, kërkon të rikthejë në Superiore ish-lojtarin e Skënderbeut

Tirana tenton rikthimin e Liron Latifit, ish lojtarinë e Skënderbeut. Sulmuesi i krahut të djathtë ka qenë pjesë e Puskas që nga viti 2017, por ka luajtur shumë pak me këtë skuadër dhe është huazuar edhe te Sherif Tiraspol.

Sipas shtypit të shkruar, bardheblutë kanë nisur kontaktet me Latifin për ta rikthyer në Superligë me lojtarin që kërkon të përdorë këtë aventurë si trampolinë e të rikthehet sërish në nivele të larta.

Drejtori i klubit, Tefik Osmani dhe trajneri Shehi e njohin mjaft mirë lojtarin pasi kanë luajtur së bashku te Skënderbeu disa sezone më parë dhe raporti i mirë mes tyre mund të bind Latifin që të firmosi te Tirana. Për momentin këto janë vetëm zëra merkato dhe në ditët në vijim pritet të zbulohet më shumë rreth kësaj tratative.