Tentoi të kalojë kufirin me pasaportë false, arrestohet 45-vjeçari

Një 45-vjeçar me iniciale B.Ç. banues në Tiranë është arrestuar nga policia në pikën e kalimit kufitar të Kapshticës pasi ka paraqitur një pasaportë në emër të një personi tjetër të cilën dyshohet se e kishte falsifikuar e cila iu sekuestrua në cilësinë e provës materiale.

Sipas bluve, ai ka qenë i dënuar më parë për veprën penale “Vrasja me paramendim”.

Materialet iu referuan Prokurorisë së Rrethit Gjyqësor Korçë, për veprën penale “Falsifikimi i letërnjoftimeve, pasaportave ose vizave”.