Nuk paguan birrat, pronari i lokalit qëllon me armë ndaj klientëve

Foto ilustruese

Pronari 55-vjeçar i një restoranti në Francë është arrestuar nga policia dhe akuzohet për “tentativë vrasje të dyfishtë”.

Ai ka qëlluar dy klientë, të cilët u larguan nga restoranti pa paguar birrat. Një 34-vjeçar u plagos rëndë në krah, ndërsa tjetri ishte plagosur lehtë.

Pronari fillimisht u justifikua para policisë, duke thënë se qëlloi në ajër, por kamerat e sigurisë të lokalit, dëshmuan të kundërtën. Në pamjet filmike u pa pronari me armën në drejtim të dy klientëve që iknin.

Prokuroria Publike e Grenoble hapi një hetim penal kundër “xhelatit” 55-vjeçar, shkruan Tgcom.