Gripi i shpendëve në Fushë Krujë, banorët: Nuk ka ardhur asnjë veteriner

Banorët e fshatit Halil në Fushë Krujë, kanë folur për media pas identifikimit të rasteve të para të gripit të shpendëve në këtë zonë, ku shprehen se derimë tani nuk ka shkuar asnjë veteriner për t’i pyetur.

Jo jo, asnjë veteriner nuk ka ardhur, unë si pata vaksinuar, por dhe ata që i patën vaksinuar iu sëmurën’, shprehet një prej banorëve, ndërkohë që një tjetër tregon se i kanë groposur vetë shpendët që iu kanë ngordhur.

Disa ditë më parë Ministria e Bujqësisë njoftoi se në vendin tonë janë identifikuar tre vatra të gripit të shpendëve, dhe është ndaluar përkohësisht importi i mishit nga disa shtete.

Sëmundja është e pranishme në 3 vatra, që ndodhen respektivisht në Njësinë Administrative Fushë- Krujë, në Njësinë Admistrative Dajt dhe në Njësinë Administrative Bujan.