Ervin Salianji, i cili mori mandatin e deputetit nga radhët e PD-së në zgjedhjet e 25 prillit, u shpreh në emisionin “Top Talk”, se Partia Demokratike do të jetë në Parlament në shtator.
Salianji tha se nuk do të lihet asnjë hapësirë boshe për të bërë opozitë dhe se PD do të jetë në të gjitha dimensionet e mundshme.
Salianji shprehet se PD nuk i njeh zgjedhjet e manipuluara, por do të bëhet e pamundura që të dalë e drejta dhe vullneti i qytetarëve.
“Ne do të jemi dhe ta harrojë Edi Rama që do të lemë hapësirë boshe për të bërë opozitë, ne do të jemi në të gjithë dimensionet e mundshme.
Partitë politike kudo në të gjithë botën bëjnë përpjeke për të rregulluar të gjitha instrumentet për të fituar zgjedhjet, ne nuk i njohim se nuk ka zgjedhje, mos e bëni sikur është një gjë që nuk lidhte me njëra-tjetrën.
Nuk e bëjmë si Edi Rama që ndenji 4 vite hap kutitë ose largohu, mos bëjmë sikur njëra rrëzon tjetrën, nuk është paradoks.
Nëse partitë e shohin e pasqyrojnë që të gjitha institucionet nuk kanë bërë të mundur që vullneti i qytetarëve të lexohet drejtë, padyshim që do të ketë çdo përpjekje për ta rregulluar”, tha Salianji.
Ai gjithashtu shprehet se institucionet duhet të forcohen dhe duhet të arrihet pjekuria e shtetit të së drejtës.
“Kushdo që bëhet palë me vjedhjen, kriminelët në politikë. Institucionet duhet të forcohen duhet të arrihet pjekuria e shtetit të së drejtës, duhet një ndihmë e madhe nga opinioni publik që të merremi me pasojë, shkaktarin që ka sjellë pasojën se nuk duhet të bëhet përgjegjëse opozita më shumë nga hajduti“, tha Salianji.
DENONCO