11 doza kanabis në çantë, arrestohet i riu në Fier

Policia e Fierit ka vënë në pranga një 28-vjeçar, pasi iu gjetën 11 doza me kanabis në çantën që mbante.

Burimet policore bëjnë me dije se është arrestuar në flagrancë shtetasi G. B. (T)., 28 vjeç, banues në Fier, pasi në vendin e quajtur “Ish-globi”, gjatë kontrollit të ushtruar në automjetin tip “Benz” me të cilin udhëtonte, ky shtetas nuk i është bindur urdhrit të Policisë për kontroll, duke i kundërshtuar ata. Gjatë kontrollit fizik, në çantën e tij të krahut u gjetën dhe u sekuestruan 11 doza me lëndë narkotike të dyshuar cannabis sativa.

Materialet procedurale për veprime të mëtejshme i kaluan Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e narkotikëve”, “Nxitja për përdorimin e drogës” dhe “Mosbindja ndaj urdhrit të punonjësit të policisë së rendit publik.