U shkarkua nga Parlamenti, Meta ironizon me fjalimin e Jenisherit dhe uron shqiptarët

Presidenti Ilir Meta ka reaguar pas votimit nga Parlamenti me 104 vota pro shkarkimit të tij.

Meta ka zgjedhur një reagim me nota ironike, ku ka shpërndarë fjalimin e çoroditur të deputetit Selami Jenisherit të mbajtur nga foltorja e Parlamentit, në të cilin deklaroi se ai dhe partia e tij do i dali zot nipërve dhe mbesave pensioniste të këtij vendi me shkarkimin e Presidentit.

Në mbishkrimin e postimit të tij, Meta uron të gjithë miqtë të kalojnë një pasdite të qetë, relaksuese dhe të qeshur me thënien frymëzuese të thënë nga deputeti.

Postimi i plotë i Ilir Metës:

Të dashur miq, ju uroj një pasdite të qetë, relaksuese dhe të qeshur duke ju përshëndetur të gjithëve me këtë thënie frymëzuese!

Fjalimi i Selami Jenisherit sot në parlament:

Koalicion ynë, i drejtuar nga deputeti Kujtim Gjyzi, i është drejtuar Komisionit të Zgjedhjeve për mos të pasyr pasoja të tilla për vjedhjet dhe është anashkaluar. Nuk është dhënë përgjigje. Ne do ta çojmë në Gjykatë Kushtetuese. Do iu dalim zot, nipërve dhe mbesave tona pensionist, të cilët iu është mohuar e drejta e votimit. Emigrantët nuk mund t’i blihet votat.