Franca merr ‘frymë’/ Benzema do të luajë në Europian

Benzema do të jetë gati për Europianin pasi gjuri i tij nuk ka ndonjë dëmtim shqetësues. Sipas mediave franceze, sulmuesi francez ka dhimbje në gju, por do të rikthehet në stërvitje brenda 48 ose 72 orëve.

Ai do të jetë larg trajnimit me grupin për 2-3 ditë, por me të gjitha gjasat mund të jetë gati për Francë-Gjermani.

Ditën e djeshme Benzema la fushën e lojës në miqësoren Francë-Bullgari pasi ndjeu një shqetësim në gju. Nuk munguan as disa lotë nga sulmuesi i cili rikthehet tek Franca 6 vite pas përjashtimit.

Gjithsesi, Giroud që e zëvendësoi Benzemanë arriti të shënojë 2 gola brenda 6 minutave dhe tashmë konkurrenva e rivaliteti mes dy bomberave për kreun e sulmit është i hapur tek ‘’Les Blues’’.