Pasi zhvilloi një sezon fantastik duke u renditur e dyta në kampionat dhe duke fituar Kupën e Shqipërisë, klubi i Vllaznisë ka nisur punën për të afruar lojtar të rinj por dhe të ruaj bazën e skuadrës së vjetër.
Por si duket në shtëpinë e shkodranëve nuk do të ketë vetëm afrime, por dhe largime. Një fakt të tillë e ka paralajmëruar, mbrojtësi Dajan Shehi i cili ka postuar një fotografi në ‘’Instagram’’ me mesfushorin Herald Marku ku i shkruan ‘’Destinacioni i ardhshëm vëlla…’’, duke hedhur dyshime të mëdha mbi të ardhmen e 25 vjeçarit.
Ndërkohë pak ditë më parë ”Panorama Sport”, zbuloi se Partizani i kishte bërë një ofertë mesfushorit të cilin e sheh si zëvendësuesin e Çinarit.
