Ekzekutimet mafioze, kriminologu: Segmente të policisë, familjarizim me grupet kriminale

Situata kriminale në vend bëri që drejtori i përgjithshëm Ardi Veliu të mbledhë në Tiranë të gjithë drejtuesit e policisë në qarqe. Takimi zgjati për më shumë se një orë ku fokusin kryesor veç hapjes së sezonit turistik e kishte numri i lartë i vrasjeve të cilat jo vetëm që nuk po ndalen por vetëm brenda 9 ditëve të para të qershorit 9 persona janë vrarë.

Për profesorin kriminolog Ervin Karamuça diçka e tillë tregon se krimi është familjarizuar me segmente të caktuara të policisë përgjatë fushatës zgjedhore.

LEXO EDHE  Largohet nga detyra e drejtorit të Albpetrol, Flamur Mato

Karamuça, tha për “A2 News” se ka ardhur koha që policia të bëjë analiza të reja për elementët kriminogjene. Sipas tij, ulja apo dhe parandalimi i krimit kërkon përfshirje të shumë aktorëve dhe jo vetëm mbledhje mes drejtuesve të policisë.

33 viktima nga krimi i organizuar apo dhe vrasjet brenda familjes janë regjistruar pa mberritur ende në 6 mujorin e parë të vitit 2021.