Gjykata e Tiranës caktoi masën e sigurisë me burg për Mexhit Picarin dhe Dhurata Saliajn, babë e bijë, të cilët u arrestuan për vrasjen e Kudret Saliajt, dalin sot para Gjykatës Penale të Tiranës.
Gjykata ka pranuar masën e kërkuar nga prokuroria, duke vendosur masën e arrestit me burg.
Mësohet se Mexhit Picari ka shfaqur pendesë dhe ka kërkuar ndjesë. Ndërsa përsa i përket Dhurata Saliajt, ajo ka qëndruar kokëulur gjatë gjithë seancës dhe e vetmja gjë që ka thënë është se nuk ka pasur dijeni për atë se cfarë do të bënte i ati.
Mexhit Picari ka pretenduar se banesën e Kudret Saliajt, ai e ka ngritur deri në disa kate, duke e ndihmuar, duke qenë se ishte bashkëshorti i vajzës së tij dhe kishin 17 vite të martuar.
Gjykata duke shqyrtuar të gjitha provat, mori vendimin për të lënë në burg babë e bijë duke u ngarkuar 4 akuza.
Mexhit Picari akuzohet se vrau me armë zjarri dhëndërrin e tij, Kudret Saliaj, ndërsa u ndihmua nga Dhuarata në kryerjen e krimit. Si rezultat i të shtënave, mbeti i plagosur edhe avokati i viktimës.
Ngjarja ndodhi ditën e premte në një lokal pranë Gjykatës së Tiranës, ku çifti Saliaj ndodheshin në një proces civil për zgjidhjen e martesës dhe kujdestarinë e fëmijëve.
Ndaj Mexhit Picarit dhe Dhurata Saliajt janë ngritur akuzat për veprat penale “Vrasja e funksionarëve publikë” e kryer në bashkëpunim e mbetur në tentativë, ”Vrasja për shkak të marrëdhënieve familjare” e kryer në bashkëpunim, ”Vrasja në rrethana cilësuese” e kryer në bashkëpunim” dhe “Armëmbajtja pa leje”.
