Southgate kritikon skuadrën në prag të Europianit: Anglia ime ka këtë problem!

Trajneri i Anglisë, Gareth Southgate ka pranuar se skuadra e tij ka shumë punë për të bërë para ndeshjes hapëse në “Euro 2020”, duke nënvizuar mbrojtjen si repartin kyç ku nevojitet përmirësimi.

Anglia do ta hapë fushatën në Euro 2020 kundër Kroacisë më 13 qershor në “Wembley” dhe trajneri frikësohet se skuadra e tij ende nuk është mjaftueshëm e mirë në disa aspekte.

I pyetur për punën e mbrojtjes së tij në ndeshjet përgatitore, Southgate tha: “Nuk më pëlqeu sesi luajti ekipi pa top në pjesën e parë. Nuk ishim të disiplinuar në mënyrën sesi u mbrojtëm”.

“Mesfusha u hap dhe mbrojtësve iu desh të merrnin shumë vendime. Atyre iu desh të shkonin aty ku nuk duhej të ishin (për të mbuluar hapësira). Pa dyshim në mbrojtje duhet të përmirësohemi”, kritikoi Southgate ekipin e tij.

Kujtojmë që Anglia është pjesë e Grupit D, bashkë me Kroacinë, Republikën e Çekisë dhe Skocinë.