Rron Broja është një nga lojtarët më të përfolur për një largim të mundshëm nga skuadra e Partizanit. Mesfushori ende s’i është bashkuar ekipit dhe pritet që gjatë këtyre ditëve të vihet nën urdhrat e trajnerit Ilir Daja. Ofertat në drejtim të tij s’kanë munguar, teksa në Hungari janë kandidatë potencialë për shërbimet e tij.
Megjithatë asgjë s’është vendosur dhe në vijim priten zhvillime të reja. Duke folur për Newsport.al, mesfushori ka deklaruar: “Janë thjesht fjalë mediash. Unë jam nën kontratë me Partizanin deri në fund të këtij muaji. Nuk kam vendosur asgjë”, përfundoi ai.
Siç duket shtatlarti pret drejtuesit e Partizanit për të vendosur përfundimisht për të ardhmen. Edhe pse ofertat nuk kanë munguar, ai kërkon të respektojë fillimisht presidentin Demi dhe drejtorin Olsi Rama për t’i vënë “kapak” gjithë zërave që qarkullojnë.
Priten me interes zhvillimet në kampin e kuq, teksa dhe tifozët janë sy e veshë nga ajo që po ndodh te kryeqytetasit.
DENONCO