Marash Logu, ekperti ligjor i PD-së për zgjedhjet e 25 prillit, ka reaguar ndaj një vendimi të Kolegjit Zgjedhor, i cili pas kërkesës së Partisë Demokratike, që kërkonte largimin e 7 gjyqtarëve me pretendimin se nuk garantonin paanshmëri në gjykimin e ankesave, ka vendosur që të gjykojë veten.
Logu shkruan se ky vendim i Kolgejit për të gjykuar veten është një akt i paprecedentë.
“Me urgjencë të paparë, sot në 08:30, Kolegji Zgjedhor ka vendosur të shqyrtojë kërkesën e Partisë Demokratike për përjashtimin e 7 gjyqtarëve (nga tetë) për shkak të cënimit të së drejtës për një gjykim të drejtë dhe të paanshëm.
Shpresoj shumë që 7 gjyqtarët e Kolegjit nuk do t’i shkojnë deri në fund paligjshmërisë, duke gjykuar vetë mbi një kërkesë për përjashtimin e tyre (gjyqtarë të vetes). Ky do të ishte një akt unik në historinë e jurisprudencës botërore”, shkruan Logu në një postim në rrjetet sociale.
DENONCO