Përpara lindjes së Diellit më 19 Korrik, pesë planete- Mërkuri, Afërdita, Marsi, Jupiteri dhe Saturni dhe gjysmëhëna do të mund të shihen në të njëjtën kohë në qiell.
Çfarë është më e rëndësishmja, nuk do t’iu nevojitet një teleskop.
Ngjarja hapësinore do të mund të shihet 45 minuta përpara agimit, kështu që mund t’iu duhet të vendosni një alarm. Gjithashtu, gjeni një pikë horizonti të pastër, me drejtim lindje-verilindje dhe jugperëndim.
Nëse doni t’i dalloni më qartë, mund të përdorni dylbi, pasi Hëna, Mërkuri dhe Jupiteri do të pozicionohen në pikat më të ulëta të horizontit.
