Krimineli i luftës, Ratko Mlladiç i cili sot u dënua me burgim të përjetshëm, ka edhe një histori të vajzës së tij të vetëvrarë, për të cilën insistonte se ajo ishte vrarë nga kundërshtarët e tij politikë.
Vajza e tij, Ana Mlladiç e cila ishte 23-vjeçare, më 25 mars të vitit 1994 u gjet e vdekur në shtëpinë e prindërve të saj në Beograd. Ajo raportohet se kishte qëlluar veten me një plumb në kokë me armën e babait të saj (Ratko Mlladiç).
Ratko Mlladiç kishte refuzuar qe të pranonte se e bija e tij kishte bërë vetëvrasje. Ai këmbngulte që bija e tij ishte vrarë nga kundërshtarët politikë të tij, ndërsa Mlladiç i cili kishte pushtet ka bërë që versioni i tij të imponohej si i vërtet për një kohë të gjatë.
Megjithkëtë, e vërteta e kësaj ngjarjeje ishte rezultati i hetimit në vendngjarje, në katin e dytë të shtëpisë së familjes Mladiç, ku Ana ishte gjetur e vdekur në shtrat, me një revole në dorë. Ishte pikërisht kjo revole, ajo që sqaronte qëllimin e Anës dhe atë që e kishte çuar vajzën e re t’i jepte fund jetës së saj.
Revolja ishte një 7.65 milimetërshe që Ratko Mladiç e kishte marrë dhuratë nga Akademia Ushtarake e Komandës, kur ishte graduar major, kohë kjo kur ai shërbente si zëvendëskomandant i trupave ushtarake me bazë në Prishtinë.
Bosa Mlladiç, gruaja e Ratko Mlladiç në deklaratën e saj ka thënë se krisma e plumbit ishte dëgjuar në orën 6 të mëngjesit.
Në shtëpi nuk kishte shenja të hyrjes së ndokujt, pra nuk kishte dyshime se dikush mund të ketë hyrë dhe vrarë të bijën e Ratko Mlladiç.
Ndërsa përfundimi zyrtar i hetimeve policore thotë se Ana Mladiç ishte vetëvrarë. Hetimet e mëtejshme, tregonin që ajo i kishte përjetuar shumë rëndë akuzat e gazetave ndaj babait të saj për vrasjet në Bosnjë.
Sot, Ratko Mlladiç u dënua me burgim të përjetshëm. Leximi i vendimit ndaj tij zgjati rreth një orë.
Dhoma e Apelit hodhi poshtë të gjitha ankesat e paraqitura nga mbrojtja e Mlladiçit.
DENONCO