Jamarbër Malltezi, kreu i Departamentit të Mjedisit në PD, përmes një postimi në rrjetet sociale, ka reaguar ndaj aksionit të nisur nga IKMT me urdhër të Kryeministriit Edi Rama për shembjen e ndërtimeve në zonat bregdetare.
Malltezi shkruan se nëse Qeveria do ishte serioze me bregdetin do prishte ato ndërhyrje që së pari dëmtojnë më shume vijën bregdetare.
Në vijim, Malltezi shprehet se do të shembeshin ndërtimet që kanë pasoja më të mëdha ekologjike për zonën, si dhe ato që dëmtojnë afatgjatë dinamikën e brigjeve.
Malltezi shprehet se ndërtimet në tokë, pranë bregdetit janë dëmtim i mjedisit, por kurrkund në krahasim me ndërhyrjet brenda në det ose në liqen.
Duke postuar një foto, të denoncuar më parë publikisht, për të cilën thuhet se lokalin brenda në det e ka truproja i Edi Ramës, Malltezi shprehet se “pse nuk fillon urgjentisht me heqjen e pontileve që demtojne dinamikën e brigjeve?”.
Gjithashtu Malltezi ka publikuar disa foto nga ajo që e quan si kafshimi i Liqenit të Shkodrës.
“Janë futë tu mush Liqenin rreth 50-60 ml me inerte. Me sy rreth 3-4 mijë m3 inerte janë hedhe në pasqyrën e Liqenit. Ku shteti? Ku Rama? Ku fasada? Ku inspektoriatet? Ku dallimi mes partise dhe shtetit? 🤮
Operacioni i fundit është përpjekje e Edi Ramës për të grabit toka dhe jo përpjekje për të shpëtuar mjedisin apo vijën bregdetare”, shkruan Malltezi.
DENONCO