Këshilli i lartë Gjyqësor ka vendosur të pezullojë përkohësisht nga detyra gjyqtaren Enkeleda Kapedani, deri në përfundimin e procedimit disiplinor.
Procedimi nisi me kërkesë të Inspektoratit të Lartë të Drejtësisë, pas publikimit të disa videove të Kapedanit në rrjetin social TikTok. ILD kërkon përjashtimin nga detyra të gjyqtares.
Në një nga videot, Kapllani shfaqej bërë sfilatë në ambjentet e gjykatës.
Përfaqësuesi i ILD-së, Artur Metani deklaroi në seancë se Kapedani kishte diskredituar figurën e gjyqëtarit.
Kapedani e kudnërshtoi duke thënë se ajo po bëhej kokë turku, pasi në dosjet e saj nuk ishte gjetur asnjë shkelje.
“E ushtroj detyrën prej 7 vitesh dhe asnjëherë nuk jam proceduar me shkelje. Asnjëherë nuk jam përmendur për çështje korruptive,” shtoi ajo.
Kapedani tha se ka kërkuar dorëheqjen nga posti i zëvendës kryetares së Gjykatës Elbasan dhe bëri thirrje që juria “të të zhvishet nga emocionet nga opinioni publik”.
Lidhur me videot, Kapllani deklaroi se nuk janë postuar nga ajo.
Ajo u emërua në krye të gjykatës së Elbasanit më 30 shtator 2020, pas dorëheqjes së Zihni Shahut, me votim nga gjyqtarët e Elbasanit.
DENONCO