Protesta në Budapest, mijëra vetë kundër ndërtimit të kampusit universitar kinez

Mijëra vetë protestuan në Budapest kundër planit për të ndërtuar një kampus universitar të Universitetit Kinez në kryeqytetin hungarez.

Liberalët, kundërshtarë të kryeministrit nacionalist Victor Orban, e akuzuan atë për tradhëti, pasi po miqësohet shumë me Kinën dhe i frikësohen faktit se ndërtimi i ketij kampusi, mund të rrise influencën e Pekinit në Hungari dhe në mbarë Bashkimin Europian.

Sipas protestuesve, këto fonde, në vend që të shkojnë për ndërtimin e kampusit, mund të ndihmojnë në rritjen e cilësisë së universiteteve vendase.

Qeveria e drejtuar nga Orban nënshkroi në muajin prill një marrëveshje me qeverinë kineze, për të ndërtuar kampusin e studentëve të Universitetit Fudan. Qqeveria e quajti protestën të panevojshme dhe një histeri politike, bazuar vetëm në thashetheme. Kundër këtij projekti është shprehur edhe vetë kryebashkiaku i Budapestit.