Një dramë e vërtetë u regjistrua sot në klubin e Flamurtarit. Ekipi kuqezi që kohë më parë shkruante historinë në futbollin shqiptar, duke mposhtur edhe Barcelonën, sezonin e ardhshëm do të militojë në Kategorinë e Dytë.
Vlonjatët u mposhtën me penallti në finalen e mbijetesës ndaj Tërbunit, duke prerë biletën kështu një kategori më poshtë.
Pas këtij verdikti fatal, ka reaguar edhe ish-futbollisti i shquar e Flamurtarit, Ervin Fakaj, që gjithashtu ka qenë pjesë e rëndësishme edhe e ekipit Kombëtar. Nëpërmjet një postimi në “Facebook”, Fakaj, ka sulmuar Sinan Idrizin dhe Dritan Lelin, si 2 organizatorët që shkatërruan këtë klub historik.
“Dy organizatorët, dy numrat 10, dy lojtarë të denjë për çdo klub që kërkon të shkatërrohet në mënyrë të pamëshirshme. Pa asnjë emocion për historinë dhe pas asnjë përgjegjësi për të tashmen. Flamurtari i madh sot vdiq. Dy “play-maker” që meritojnë titullin e “nderit” non grata për një qytet që ka parë të mundë Barcelonën dhe jo vetëm”, shkruan Fakaj.
DENONCO