“Për’Puthen on Tour”, një festë që do të vijë në çdo qytet të Shqipërisë dhe jashtë saj.
E ftuar në “Shqipëria Live”, moderatorja Bora Zemani ka folur më shumë detaje në lidhje me projektin e ri. Në datën 7 qershor do të nisin audicionet e hapura, teksa qyteti i parë i piketuar do të jetë Durrësi!
“Për’Puthen on Tour” në fakt janë audicione të hapura. Menduam që këtë vit ta sjellim në këtë lloj forme, nisur edhe nga interesi i njerëzve që kanë për këtë program. Ne jemi një emisionin reality, në këtë lloj forme do të jemi fizikisht edhe pranë tyre, duke ndaluar në qytete të ndryshme, duke bërë audicione të hapura. Do të jemi pjesë e audicioneve unë, Arjani dhe Olsa dhe do të kemi me vete edhe ish konkurrentë të “Për’Puthen” të sezonit të kaluar. Afrimiteti që do të kenë ata me njerëzit dhe shkëmbimi i eksperiencave dhe shumë sfida që kanë kaluar brenda këtij programi, një ndarje idesh do të ishte diçka e mirë”,- shprehet Bora.
-Në cilat qytete do të shkoni, i keni piketuar?
Bora: Do të jemi në Fier, Sarandë, Elbasan, Durrës, Shkup, në Ulqin, jemi gjithandej. Do të nisim të hënën me Durrësin, në orën 11:00 do të jemi në teatrin “Aleksandër Mojsiun”. Do të ketë muzikë dhe pije, do të jetë një tip feste.
-Do të xhirohet dhe transmetohet në ekran?
Bora: Po, do të jetë një muaj shumë intensiv. Gjatë qershorit deri në 10 korrik ne do të jemi në transmetim me përputhen +40 dhe paralelisht do të jemi në qytete të ndryshme që do të bëjmë këto audicione të hapura, të cilat pas datës 8 korrik do të jenë në transmetim, çdo të diel në ekranin e Top Channel, në orën 20:00.
