Kombëtarja shqiptare e ka mbyllur në barazim 0-0 miqësoren kundër Uellsit pasditen e sotme.
Sfida në disa momente gjatë pjesës së dytë u luajt mes tensionit, për vetë faktin se uellsianët luajnë futboll tepër fizik dhe lojtarët tanë në disa situata nuk e mbajtën tension duke shfryrë në fushë. Dy ishin momentet më pikante të sfidës.
I pari në minutën e 58-të të takimit pas një dyluftimi të sulmuesit Manaj dhe mbrojtësit uellsian Dejvis, ky i fundit shtyu lushnjarin i cili u përplas me teknikun Edi Reja. Momenti i sikletshëm nuk u prit mirë pasi vetë tekniku Reja reagoi ashpër ndaj futbollistit kundërshtar.
Momenti tjetër ishte në minutën e 82-të të ndeshjes ku pas një faulli që mesfushorit shqiptar Qazim Laçi shpërtheu një sherr masiv ku protagonist u bë kapiteni Amir Abrashi.
Në tension u përfshin të dyja palët duke shtyrë një tjetrin, por situata u qetësua nga vetë gjyqtari i cili ndëshkoi Laçin me karton të verdhë pas faullit në mesfushë.
Kujtojmë se në këtë ndeshje u dhanë 7 kartonë të verdhë, një numër i lart ndëshkimesh për një ndeshje miqësore.
https://streamable.com/om2de5
