Shqipëria ka barazuar me Uellsin në transfertë. Ndeshja në Kardif u mbyll në barazim pa gola. Kuqezinjtë bën një paraqitje pozitive në pjesën e parë, ndërsa në të dytën për shumë arsye që Reja duhet t’i shpjegojë ishin larg pritshmërive.
Gjatë 45 minutave të para, Shqipëria kishte një mundësi shënimi të mirë me sulmuesin Rey Manaj, i cili goditi mbi traversë në rastin më të mirë të gjithë ndeshjes.
Lushnjari nuk shënoi, por as Uellsi nuk e rrezikoi portën e Selmanit gjatë fraksionit të parë. Williams ishte nga më të rrezikshmit nga miqtë. Një goditje me kokë nuk e pati shënjestrën e duhur.
Më pas ai në pjesën e dytë tentoi me një goditje të fortë nga jashtë zone, por portieri i kuqezinjve e ndali kundërshtarin. Minutat e fundit janë një vuajtje e vërtetë që gjithsesi lojtarët tanë arrijnë ta menaxhojnë dhe të mbrojnë rezultatin 0-0.
Barazimi nuk është aspak rezultat i keq sidomos pas asaj pjese të parë por e dyta ishte e dobët dhe ndaj Çekisë në miqësoren tjetër pas 4 ditësh duhet korrigjuar.
DENONCO