Dy persona kanë rënë në prangat e policisë së Korçës nën akuzën e trafikimit të klandestinëve kundrejt fitimit.
Në kuadër të operacionit të koduar Perimetri është bërë i mundur arrestimi i shtetasit A. Gj., 37 vjeç dhe L. S., 50 vjeç banues në Elbasan, të cilët janë kapur në aksin rrugor Korçë-Pogradec, pasi janë konstatuar se po transportonin emigrantë të paligjshëm, njoftoi policia.
Dy shtetasit e arrestuar, i premtonin emigrantëve kalimin në një nga vendet e BE. Sipas njoftimit zyrtar, njëri prej të arrestuarve ka qenë i ndaluar edhe një herë më parë për këtë veprimtari të paligjshme, e aktualisht ndodhet në “Arrest shtëpie”, shtuan të njëjtat burime.
