Situatë e paqartë te Vllaznia, tetë lojtarë në pritje të ofertave për të rinovuar

Menjëherë pas ndeshjes së fundit të sezonit, pikërisht në finalen e Kupës ndaj Skënderbeut, u ka skaduar kontrata plot 8 lojtarëve.

Bëhet fjalë për portierin Bojan Zogoviç, mbrojtësit Aleksandar Isaevski, Eni Imami dhe Dajan Shehi, mesfushorët Herald Marku, Fjoart Jonuzi dhe Demir Imeri, si dhe sulmuesin Haris Dilaver. Me një pjesë ka pasur bisedime paraprake për rinovim të kontratës, mirëpo deri më tani nuk mund të thuhet se palët kanë arritur një marrëveshje.

Mësohet se lojtarët presin tashmë ofertën zyrtare të klubit për të vendosur përfundimisht nëse do të rinovojnë ose jo. Pretendimet e tyre janë rritur ndjeshëm, ndërkohë, vetëm me kapitenin Erdenis Gurishta dhe mesfushorin Arsid Kruja, drejtuesit kanë arritur të zyrtarizojnë rinovimin e kontratave pa u mbyllur sezoni.