Shqiptari rreh priftin pranë kishës në Itali

Një ngjarje e turpshme e protagonist një shqiptar, ka ndodhur në Itali. Ngjarja ka ndodhur të premten në qendër të Bolonjës, raportojnë mediat italiane.

Sipas ANSA, kleriku At Domenico Vittorini, kreu i bazilikës së San Giacomo, u sulmua pranë kishës së tij.

Prapa këtij sulmi thuhet se qëndron një shqiptar, që raportohet se ka të kaluar kriminale.

Mediat shtojnë se ai fillimisht debatoi me klerikun dhe më pas e goditi me grushte disa herë, thanë burimet lokale.

Bëhet e ditur se është arrestuar nga policia ndersa kleriku 54-vjeçar është dërguar në spital për trajtim.