Partizani “pazar” në Shkodër, ofertë yllit të Vllaznisë

Herald Marku është dëshira e Ilir Dajës. Partizani duket se kërkon një lojtar potent në mesfushë, teksa sipas shtypit të shkruar ka bërë një ofertë për yllin e Vllaznisë. Marku prej 2019 është pjesë e kuqebluve, ndërsa nuk dihet nëse interesi nga kryeqyteti do t’i “prishte mendjen”.

Lojtari është kontaktuar nga Demat pas një sezoni fantastik, ndërsa nuk jepen detajet. Duket se Daja kërkon Markun në sezonin që vjen, me lojtarin që ka qenë ndër më të mirët te Vllaznia.

Paraqitjet e mira që Vllaznia bëri, kanë sjellë interes të shtuar për “xhavahirët” e saj, me shkodranët që duhet të blindojnë me oferta protagonistët kryesorë.