Policia e Fierit ka arrestuar një 38-vjeçar, pasi është kapur me drogë dhe armë.
Në pranga ka rënë Sokol Sapiqoti, të cilit gjatë kontrollit i janë sekuestruar fara kanabisi, kanabis, kokainë dhe një armë e ftohtë.
38-vjeçari u arrestua pasi në lagjen “15 Tetori”, Fier, gjatë kontrollit të ushtruar në automjetin tip “Ford” me të cilin po udhëtonte janë gjetur dhe sekuestruar në cilësinë e provës materiale 9 doza me lëndë narkotike cannabis sativa, 1 dozë me lëndë narkotike kokainë, 351 fara kanabisi dhe 1 përforcues grushti, sqaroi policia.
Ndaj tij rëndojnë akuzat për veprat penale “Prodhimi dhe shitja e narkotikëve” dhe “Mbajtja pa leje e armëve të ftohta”.
