Sulmuesi i talentuar Patrik Bardhi, i dha fund aventurës me Kastriotin, teksa do të vijojë karrierën e tij me Dinamon, në Kategorinë Superiore. Pas 3 sezoneve me krutanët, 23-vjeçari nga Tirana, ka gjetur akordin me blutë, duke firmosur me 18 herë kampionët e vendit.
“Panorama Sport” mëson se Bardhi ka firmosur kontratë 3-vjeçare me Dinamon, teksa në ditët e ardhshme pritet të vijë edhe zyrtarizimi.
Vlen të theksohet se për ish-sulmuesin e Kastriotit, nuk munguan ofertat nga klubet e tjera të Superiores dhe jo vetëm, por duket se projekti i dinamovitëve ka arritur të bindë futbollistin për të veshur fanellën e një klubi me shumë histori si Dinamo.
