Butrinti ngjitet në Kategorinë e Parë, Oriku bie në të Dytën

Butrinti rikthehet në Kategorinë e Parë pas 5 vitesh. Ishte Mario Gurma heroi i fitores 1-0 në finalen e “Play-Out”-it ndaj Orikut, që bie zyrtarisht në Kategorinë e Dytë.

Sulmuesi veteran vendosi përballjen vendimtare të sezonit, duke nderuar skuadrën e drejtuar nga babai i tij legjenda Milton Gurma.

Vlen të theksohet fakti se Butrinti u rendit në vendin e dytë në Grupin B të Kategorisë së Dytë, teksa falë “Play-Off”-it, arriti të siguronte një biletë për në Kategorinë e Parë. Skuadra saranadiote më herët eliminoi Naftëtarin dhe Labërinë.

Ndërkohë për sa i përket Orikut, skuadra e drejtuar nga Sakaj, u rendit në vendin e tretë nga fundi, teksa nuk arriti të shpëtonte sezonin, në finalen e mbijetesës së zhvilluar në “Selman Stërmasi”.