Ngjarja e ndodhur këtë të premte në afërsi të Gjykatës së Tiranës ka sjellë jo vetëm arrestimin e Mexhit Picarit, por edhe shoqërimin dhe ndalimin e vajzës së tij.
Mësohet se Policia e Tiranës ka arrestuar edhe vajzën e autorit Dhurata Saliaj. Pas disa orësh e shoqruar në komisariat ajo është arrestutuar nga policia. Ndërkohë që krimi që tronditi këtë paradite kryeqytetin mund të konsiderohet si një krim i paralajmëruar. Si viktima ashtu edhe autori kishin bërë kallëzime në polici ndaj njëri-tjetrit ku kanë kërkuar edhe urdhër mbrojtjeje se i rrezikohej jeta.
I pari që ka kërkuar një gjë të tillë autoriteteve ishte 41-vjeçari Kudret Saliaj. Ai ka kërkuar urdhër mbrojtje se i rrezikohej jeta. Ndërkohë pas tij edhe atori ka kërkuar urdher mbrojtje po me të njëjtin pretendim.
Njoftimi i policisë
Vihet në pranga bashkëpuntorja e autorit të vrasjes së shtetasit Kudret Saliaj dhe të plagosjes së shtetasit Adriatik Cama.
Në vijim të informacionit të dhënë më parë për kapjen dhe arrestimin e autorit të ngjarjes, shtetasi Mexhit Picari, Specialistët për Hetimin e Krimeve të Rënda ndaj Jetës në vazhdimësi të hetimeve të kryera nga grupi hetimor bënë të mundur arrestimin e shtetases:
DHurata Saliaj, 33 vjeçe, banuese në Tiranë.
Shtetasi Mexhit Picari, 53 vjeç, i arrestuar po sot nga Policia dyshohet se në bashkëpunim me shtetasen DHurata Saliaj, ( vajzën e tij) janë autorë e ngjarjes se ndodhur, ku mbeti i vrarë me armë zjarri shtetasi Kudret Saliaj (ish-bashkëshorti i shtetases Dhurata Saliaj) dhe si pasojë e të shtënave mbeti i plagosur dhe shtetasi Adriatik Cama, i cili ndodhet jashtë rrezikut për jetën.
Materialet iu referuan Prokurorisë, për veprime të mëtejshme, për veprat penale “Vrasja e funksionarëve publikë” e kryer në bashkëpunim e mbetur në tentativë, ”Vrasja për shkak të marrëdhënieve familjare” e kryer në bashkëpunim, ”Vrasja në rrethana cilësuese” e kryer në bashkëpunim” dhe “Armëmbajtja pa leje”.
