Vrasja e Klodian Rashas, pse mediat e Bolinos tentuan manipulimin e krimit

Publikimi i videos që tregon momentin e vrasjes së të riut Klodian Rasha nga policia ka tronditur edhe njëherë opinionin publik.

Në video shihet se si Rasha qëllohet nga pas prej policit Nevaldo Hajderaj, i cili i afrohet dhe në mënyrë mizore e sheh teksa ai jep shpirt.

Rasha nuk ishte as i armatosur dhe as i rrezikshëm. Por zemërimi i opinionit publik është drejtuar sidomos ndaj medieve të pushtetit, ku udhëheqin mediat e Karlo Bolinos.

Pas vrasjes, kjo gazetë doli me titullin: ‘Shkeli orën policore dhe i drejtoi armën, polici qëllon për vdekje në kokë e shpatull të riun në Tiranë. Ndalohet efektivi: S’doja ta vrisja, ishte errësirë’.

Edhe pas shpërthimit të zemërimit dhe protestave të të rinjve, mediat e Bolinos sulmuan protestuesit duke i fyer. Carlo Bolino njihet si një nga mbështetësit mediatikë të Edi Ramës dhe vrasja e të riut, ndoshta prodhoi momentin më të vështirë për Kryeministrin, kjo edhe për faktin se protestuesit nuk komandoheshin as nga opozita. Ndoshta pikërisht për këtë arsye, mediat e drejtuara nga Bolino i bënë Ramës një shërbim, duke tentuar të manipulojnë një ngjarje të rëndë, ku një oficer policie, nga ata që dukej se frymëzoheshin nga deklaratat e Sandër Lleshajt apo Edi Ramës, qëlloi për vdekje një të ri.

Prokuroria ka kërkuar 20 vite burg për policin, që do i reduktohen. Edhe kjo ka qenë një arsye për revoltë në rrjet një ditë më parë.