Pas një sezoni sfilitës dhe tepër të luftuar, lojtarët dhe stafi i Partizanit kanë marrë disa ditë pushime, për t’u rikthyer më pas e për të vendosur se si do të operojnë në sezonin e ri. Me datë 7 qershor, “demat” rikthehen në stërvitje, ndërsa me datë 15 qershor do të nisin grumbullimin në Ohër, aty ku do të kryejnë fazën përgatitore, njëjtë si vitin e shkuar.
Pikërisht në datën 15 qershor, “demat” do të mësojnë dhe kundërshtarin e parë të Ligën e Konferencës pas hedhjes së shortit. Sfida e parë e Ligës së Konferencës për Partizanin do të luhet me datë 8 korrik, ndërsa me datë 15 korrik, një javë më pas, do të luhet edhe sfida e kthimit. Partizani, sfidën në shtëpi, nuk do ta luajë në “Air Albania”, për shkak se do të rregullohet fusha, por do luajë në “Elbasan Arena”.
Mirëpo, gjithçka nis pikërisht me datën 7 qershor, pra pas 4 ditësh. Nga seanca e parë stërvitore e tutje, do të kuptohet se dhe kush do të jenë lojtarët që trajneri Ilir Daja do të ketë në dispozicion. Ndërsa, një javë më vonë gjatë udhëtimit drejt Ohrit për fazën përgatitore, pritet të ketë dhe afrime të reja me grupin, por dhe disa “mungesa”, pasi disa lojtarë janë pranë largimit.
AXHENDA E PARTIZANIT
7 QERSHOR Nisja e përgatitjeve
15 QERSHOR Faza përgatitore në Ohër
15 QERSHOR Njohin kundërshtarin pas shortit
8 KORRIK Ndeshja e parë e Ligës së Konferencës
15 KORRIK Ndeshja e dytë e Ligës së Konferencës
