12 raste të reja me Covid nga 2 919 testime u konfirmuan këtë të Premte nga Ministria e Shëndetësisë.
Sipas të njëjtave burime, në 24 orët e fundit nuk kishte asnjë humbje jete.
Rastet pozitive të konfirmuara janë identifikuar në këto bashki: 4 raste në Tiranë, nga 3 raste në Shkodër, Berat, 1 në Kurbin, 1 në Malësi e Madhe.
Në 24 orët e fundit janë shëruar 32 qytetarë, duke e çuar numrin e të shëruarve në 129,598 që nga shfaqja e pandemisë në vend.
Aktualisht po marrin trajtim spitalor 30 pacientë, nga të cilët 8 pacientë janë në terapi intensive. Ndërsa raste aktive me Covid janë 323.
Që prej shfaqjes së pandemisë në vend, janë prekur 132 372 persona, prej të cilëve 2 451 kanë humbur jetën.
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. “Telefononi në numri 127 të Urgjencës Kombëtare për çdo emergjencë apo referim në spital”, apelon MSH.
Shpërndarja gjeografike e rasteve aktive, sipas qarqeve:
- Tiranë – 90
- Shkodër – 64
- Korçë – 49
- Berat – 35
- Lezhë – 24
- Elbasan – 22
- Gjirokastër – 11
- Vlorë – 11
- Durrës – 5
- Dibër – 4
- Kukës – 4
- Fier – 4
