Dy të rinj humbën jetën, pasi ranë nga ballkoni i hotelit në Ibiza.
Sipas burimeve nga komuna e Ibizës, dy të rinjtë, një djalë 26 vjeç dhe një vajzë 21 vjeç po qëndronin në të njëjtën dhomë.
Sipas burimeve nga Policia Kombëtare Spanjolle e cituar nga media Iberike, vajza ishte me kombësi të dyfishtë italiane dhe spanjolle, ndërsa djali ishte me origjinë marokene.
Hetimet po vazhdojnë, pasi ende nuk dihen shkaqet e sakta dhe rrethanat e ngjarjes, shkruan Ansa.
