Tim Vayrynen nuk do jetë më pjesë e Tiranës. Finlandezi u afrua në janar për të zëvendësuar Muçin e larguar në Poloni, me 28 vjeçarin që asnjëherë nuk u ngrit në lartësinë e detyrës.
Shtatëlarti dhe bardheblutë kanë një kontratë deri në qershorin e 2022, me palët që pritet t’i japin dorën njëri-tjetrit me marrëveshje.
295 minutat e shpërndara në 14 ndeshjet e Superligës nuk vlejtën për Yavrynen, që dhuroi vetëm një asisit duke mos dalë te goli. Pritet që sulmi t’i besohet lojtarëve të rinj, teksa bardheblutë kanë siguruar edhe për një sezon shërbimet e Taulant Seferit.
