Theophilus Solomon u largua nga Partizani në merkaton e dimrit. Sulmuesi afrikan duket se nuk i harron të kuqtë. Përmes një rubrike të hapur në rrjetet sociale, ai pyetet se kur do të vijë sërish në Shqipëri, teksa përgjigje e tij është e shkurtër: “Së shpejti”.
Një ndjekës tjetër ka kuriozitet për aventurën e sulmuesit te Partizani. E për këtë pyetet: “A të mungon Partizani?” “Shumë”, shkruan Solomon duke treguar dhe një nga fotot gjatë aventurës së tij në kryeqytet.
Kujtojmë që Solomon është transferuar te skuadra Al Qadsia në Kuvajt, ekip në të cilin bën pjesë dhe mbrojtësi i kombëtares shqiptare, Lorenc Trashi.
