Bylisi humb gjyqin me Vicente de Paula Mercedes. FIFA i ka dhënë të drejtë brazilianit dhe detyron klubin që t’i paguajë 4.485 euro brenda 45 ditësh nga marrja e vendimit. Nëse kjo shumë nuk derdhet në llogarinë e ish-mbrojtësit brenda afatit të përcaktuar, atëherë ballshiotët rrezikojnë që t’u bllokohet merkatoja e verës.
Duke qenë se bëhet fjalë për një shifër jo fort të konsiderueshme parash, drejtuesit nuk do të lejojnë që situata të precipitojë. Ka qenë vetë “qeveria” ndërkombëtare e futbollit ajo që ka zbardhur një ditë më parë vendimin e gjyqit të zhvilluar më 14 janar 2021. Më shumë se për atë që dha në fushë, lojtari në fjalë do të mbahet mend për akuzat e tij. Luajti vetëm 6 ndeshje në total në Ballsh dhe direkt i nisën problemet.
Ai nuk po paraqitej më në stërvitje dhe klubi nuk ia kurseu gjobat. Braziliani kërkonte që të largohej, pasi ndihej i mashtruar.
Në një nga intervistat e dhëna në mediat braziliane, ai zbulonte se nuk e lanë të udhëtonte drejt vendlindjes kur i vdiq mamaja. “Më mbeti peng që nuk shkova të shihja mamanë para se të ndërronte jetë.
DENONCO