Analisti Armand Shkullaku, ishte i ftuar në emisionin “Të Paekspozuarit” në MCN TV, ku ka folur për zgjedhjet e 25 prillit dhe gjendjen e opozitës. Shkullaku tha se zgjedhjet u manipuluan, por se Lulzim Basha ka përgjegjësi që besoi “se një regjim mund të mposhtet me votë”.
“Zgjedhjet në Shqipëri u manipuluan. Dilema është, a bëri mirë opozita që besoi, që u përpoq të bindte shqiptarët, që një regjim mund të mposhtej me votë? Nga një opozitë që kishte aksiomën jo zgjedhje me Ramën, në një opozitë që hyri me rregullat e lojës të vendosura nga Rama
Kishimi i ligjit elektoral që nuk e favorizonte opozitën por i konvenonte Ramës. Opozita, hyri në zgjedhje me një forcë politike që tetë muajt e fundit, hapi thesin e punësimeve si kurrë më parë. Hyri në një betejë me një parti, që vitin e fundit elektoral, ka rritur shpenzimet në buxhet rreth 30% më shumë se sa një vit normal i zakonshëm i qeverisjes. Hyri me një mazhorancë që kontrollonte të gjithë bashkitë, që kishin nëpunësit e tyre, tenderat, koncesionet.
Hyri me një mazhorancë ku mediat kryesore mbështesnin Ramën, skandali i patronazhistëve. Pra në këto kushte, gara ishte e pabarabartë dhe këtu është përgjegjësia e Bashës që në një garë në kushte të tilla, ai mendoi se do të mposhtë regjimin. Përgjegjësia është që besoi tek një gjë që është ë pamundur.
Ju thatë nuk ka frymë, por ka patur frymë shumë të madhe në 25 prill. Votat e opozitës, janë 730 mijë. Po t’ju shtojmë gjysmën e votave të pavlefshme, janë rreth 770 mijë vota, të cilat ishin vota kundër Edi Ramës.
Ky numër votash, e ka bërë Edi Ramën të mos sillet me tone triumfaliste, por duket si dikush që i ka mbetur në dorë diçka, që bëri gjithcka për ta ruajtur”, tha ndër të tjera Shkullaku.
DENONCO