Instituti Kombëtar i Shëndetësisë Publike në Kosovë (IKSHPK) ka regjistruar të Enjten 12 raste të infektimit me koronavirus pas 2,676 testimeve.
Përgjatë 24 orëve të fundit, nuk është regjistruar asnjë viktimë.
IKSHPK-ja ka njoftuar se më 3 qershor janë shëruar 182 pacientë nga COVID-19, ndërsa raste aktive janë 1,652.
Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,447 pacientë me këtë virus.
Prej tyre 2,243 kanë vdekur.
