Van Bommel rikthehet në stol pas shkarkimit nga PSV, merr drejtimin e Wolfsburg

Në Gjermani, ashtu si në Spanjë dhe Itali, shumë klube po ndryshojnë trajnerë dhe Wolfsburg, pasi përshëndeti Glasner, ka njoftuar se Mark Van Bommel do të ulet në stolin e Ujqërve, të cilët do të luajnë Ligën e Kampionëve të ardhshme.

Ish-mesfushori 44-vjeçar i Bayern Munich dhe Milan nuk ka punuar që nga dhjetori 2019, kur u shkarkua nga PSV.

Ai nënshkroi një kontratë deri në qershor 2023. Një mundësi e artë për Van Bommel për të treguar veten në Gjermani, edhe pse ai ka shprehur dëshirën që një ditë të ulet te stoli i Milanit.